عند الكرااامه ابيعك وانت خابرني

اتعبني الحلم لين الواقع انكرني,,, كني مسكت الفـرج بيـدي وهديتـه

مافي داعي على فرقاك تجبرني,,, حتى الجفـا منـك ولعنـي وحبيتـه

الجرح عـدا زمانـه لاتذكرنـي ,,, هـذاك زمـان تعذرتـه وجافيتـه

لوشفت دمع القصايد كان تعذرني ,,, تصور الشعـر يضحـك وبكيتـه

ماغيروني ياكود الله يغيرنـي ,,,كـم واحـد عنـك يبعدنـي وتعديتـه

وفيت وادري وفايا مايصغرني,,,صوبـت يـم الهـدف لكنـي اخطيتـه

خليت قلبي معك والله يصبرني ,,, من مبطي وانا اقول قلبي وين خليته

نسيت اعلمك طيفك جاء يسهرني ,, بس انت ماشفتني شلون ضميتـه

اشتقت لك مابغيبتك عاد تشكرني ,,, تغيب والشوق عمـري ماتباطيتـه

مأخذ على خاطري والبعد قاهرني ,,, مدري شسوي وانا كل شيء مريته

اول يوم الموعد تسبق وتنظرني ,, مستغرب شلون هالموعد تناسيتـه

وين انت رايح ولا كنك معبرني ,,, ماكني اللي علـى العالـم تمنيتـه

لصارت هذي علومك راح تخسرني ,,, ماعمر احد راح من كيفه وناديته

عند الكرااامه ابيعك وانت خابرني ...,,, الله و كيلك كل شـيء مريتـه

كانه هجر بالسلامه روح اهجرني ,,,, اخوي اخوي لاصد عني ماترجيته

واتمني ان تنال اعجابكم

يسلموووووووووو يالغاليه
يعطيج العافية
ونتريا يديدج

عند الكرااامه ابيعك وانت خابرني ...,,, الله و كيلك كل شـيء مريتـه
رووووعه كروووعت حضووورج
تسلم يدينج وعساج ع القووه
بأنتظار جديدج