لقاء ناصر في برنامج رأيكم شباب على قناة الراي .. ومن يتوقع الفائز باللقب

كان لقاء على الهواء مع ناصر ستاراك 6 : في برنامج رأيكم شباب

اول من بدء الحواء المذيعة لمن قالت عنه هادئ عكس ماطلع في البرنامج انه كثير يعصب و دايم متنرفز
فرد عليها ناصر : انه ما يقدر يضغط على نفسه ويحاول انه يتصنع شيء وهو عكسه
وحتى اوقات يعصب بزيادة حتى لو كان الحق معاه يصير ضده لانه طريقته في العصبية تبينه انه هو الغلطان
هذا غير الضغط النفسي ويكفي انهم قبل دخولهم الاكاديمية اي 25 يوم الشارع ماكنوا يشوفون وهذا سبب له ضيق لانه مو متعود على هالوضع ..

وبعدها سأله المذيع احمد كيف كانت بدايتك مع برنامج ستاراك ؟؟
فجاوب ناصر :
انه كان رايح مع ربعه الى الكاستنيق بمصر بس .. مو لقصد الاشتراك بس رايح مع واحد من ربعة بيقدم
الا بشوي سأل عنه وديع وخلاه يدخل على اللجنة بعد ما طلع جميع المتقدمين
وطلب منه يغني اغنية فغنى راب واغنية ثانية
وحالفه الحظ و انقبل ..

سئله المذيع وش رايك بالمشترك الكويتي ابراهيم دشتي اللي مازال في خطى النجومية ومستمر في الاكاديمية على امل الوصول الى النهائيات ؟
فكان جاوبه : انه كان قريب كثير من نورة المشتركة الكويتية بالاضافة الى ابراهيم بس مع نورة اكثر
بالرغم انهم على ايام الفندق كان قريب من ابراهيم اكثر بس لمن دشوا الاكاديمية تغير الوضع وصار ابراهيم اقرب الى عبد العزيز
وانه ابراهيم خفيف دم والوسط يحتاج الى هالشخصية !!

المذيعة حبت تحرج ناصر وسئلته انت تقول انك اول رابير بالعالم العربي ممكن تفسر لنا هالمقولة و ايش كنت تقصد ؟ عاد نويصر بلع العافية وتلون وجهه وقال انه ما اقصد اني اول رابير بالعالم العربي انا غنيت راب من يوم عمري 13 سنة وفيه قبلي وايد غنو راب
بس انا اقصد اني اول رابير اشارك في البرنامج
وعدد اسماء رابير المشهورين بالعالم العربي
عاد ماركزت بالاسماء بس ذكر اسم رابير كويتي اللي اتهوها انه سارق اغنيته وغناها في الاكاديمية ..

جاء اتصال من واحد معجب في ناص مدحه ..

المذيع سأله عن علاقته بالمشتركة خولة وكيف ان الكل يلمح انه علاقة حب تجمع بينهم ؟ فرد ناصر : مو حب بمعنى حب بس انا تعودت عليها
ومن ايام الفندق وهي فاهمتني ودوووم تدافع عني ..

جاء اتصال من نارناز او مدري وشو المهم انه رابير
وقال له من اللي سماك امبراطور هل انت ولا احد ملقبك ؟ فقال انه ربعه من زمااان يسمونه امبراطور .. وكمان النيك نيم حقه على الماسن امبراطور
فصارت رولا تنادية بهالاسم فصار معروف انه الامبراطور

وفي الاخيرسألوه من تتوقع يكون ستاراك هالسنة ؟ ومن هم الاربعة اللي بيوصلون الى النهائي ؟ فقال اتوقع اللقب بيكون الى : محمد باش .
اما الاربعة النهائية فهم :
ابراهيم دشتي - بسمة - محمد باش - ميشيل قزي ..