موضوع: الفرق بين سياقة البنات والشباب الأربعاء 17 سبتمبر 2008, 12:56 am
مشاوير: الشباب الى: الدوام + البيت + البراده + استراحة الشباب + مقاهي . البنات الى: الصالون + الشغل + السوق + عزاء + عرس + البحر .
الاغراض المتواجده دائما في السياره : في سيارة الشباب :مايك + كلينكس مرمي + اشرطه+ سيجارا + ولاعه .. في سياره البنات: برقع + مناديل كلها روج + علك مستكة+كعب مكسور+ قفاز وسخ.
السوالف في السياره: الشباب : شنو سويت اليوم ؟ شفتوا مباراة برشلونه ؟ الدكتور اليوم ماحضر؟ بغيت اليوم اضرب هندي؟ البنات : يووو ماشفتي فلااانه ترى سقطت ياحسسسسسره ؟ شفت فلانه لابسه ساعه ماركه يوو تقولين جنه زوجها يغرف فلوس من البحر؟
عند التقاطع : الشباب :ما يطالع يمين ويسار الا نادرا . البنات :تطالع يمين ويسار 20 مره +تسكنر في اللفات العاديه.
اثناء السياقه : الشباب : مباعد الكرسي الا الاخير جنه منسدح وهو يسوق . البنات : لازقه الكرسي الا السكان حده جنها سواق لموزين.
اثناء الانتظار عند اشارة المرور: الشباب : يلعب بخشمه ويحك حالة حال اول مايقوم من النوم. البنات : تعدل شعرها او شيلتهاا +تتمكيج.
وضع الجسم اثناء السياقة: الشباب : متكي يد ويسوق بيد ويدعس برجل والثانيه رافعها الى مستوى المكيف او شوي ويطلعها من الدريشه. البنات : حاضنه الستيرنغ ( السكان ) بشكل جنه طوق نجات.
اثناء السياقه وجا بيسلم على واحد : الشباب : يضرب هرن خفيف او غمزه. البنات : تعلق عالهرن , وتقول: فطووم حبيبتي ويش اخبارش.
- اثناء كتابه المخالفه : الشباب : اقسم بالله ماقطع الاشاره والله ورب الكعبه وربي . البنات : بلييز الله يخليك لأهلك لا تعطيني مخالفه بليز بليز,, وهي تناقز . امم