موضوع: حركات البنات فالصــــف السبت 27 سبتمبر 2008, 7:44 am
بسم الله الرحمن الرحيم
راح اكتب بهالموضوع بعض الحركات البنات في صف وتمنى ما يزعلون البنات :
(( معلمة ما فهمت الدرس)) اكيد ما فهمتيه هاذي من الهذرة والسوالف والضحك مع شلتج طول الحصة.
(( معلمة ممكن تعيدين الي قلتيه ما سمعت)) اكيد ما سمعتي انتي وريفيجاتج بس طايحنها سوالف وريل على ريل كنكم في قهوة وبلا احترام لي فشلون راح تسمعون.
(( معلمة ممكن اروح الحمام)) طبعا اول ما تدخل المعلمة صف يعني ما فكرتي تروحين الا الحين بعد الحصة روحي (( والبنت تترجها)) المعلمة : يلا عاد بلا حركات اليهال رايحين ويايين على الحمام.
(( معلمة ممكن اشرب ماي)) وطبعا لما ايون الى صف بعد حصة الرياضة الحين ما صرتوا كلكم عطاشة الا في حصتي بس تدرون خلكم احسن ما في شرب ماي علشان ما تسولفون ولا تتكلمون وتنتبهون للدرس الحين لانه هدرس مهم.
(( معلمة الهوى حار ما نقدر نستوعب ولأيسي خراب)) ونتوا شنهو شايفيني مصلح الكهربة بدال ادرس اصلح الأيسية وخصوصا في صفكم لان خراب ، وبكل غضب تقول: يلا خلنا نكمل درس وبلا هتشكي زايد علشان الهوى.
(( البنت تمسح السبورة وبعد ما خلصت معلمة ممكن اغسل يدي)) انا اعرف حركاتج تبين تتهربين من الحصة موصح لا سوري مافي طلعةمن صف وخذي كلينكس من عند البنات.
(( في حصة الفراغ ، معلمة الله يخليج طلعينة)) وانا مينونة اطلعكم حتى ماسون لي ازعاج في لممرر وتزعجون بقية صفوف وبعدين المديرة ما ترضى.
(( معلمة ضاع دفتري شسوي)) في هاذي حالة المعلمة ترد عليها: نعم شسوي ، طبعا من اهمالج الزايد. شوفي بتدورين عليه ولا تعيدين الدفتر كله باشر باخذ الدفاتر علشان اصححهم وسلم الدرجات.
(( معلمة ضاع الكتاب )) انا اقول روحي دوري على الكتاب افضلج ولا بتدفعين حساب هالكتاب فاهمة ياربي اهمال زايد.
(( معلمة نسيت دفتر)) عيل قومي اوقفي ورى، ولا بعد تعذيب من الوقفة طول الحصة تيي وتقول راح انقصج خمس درجات على نسيان الدفتر
(( معلمة صراحة الاختبار كان وايد صعب)) وطبعا كل وحدة تحن من صوب وفجاة صرخة منها: سكتوااااااااا مافي احد طلب رايكم اصلا العن ابو ديمقراطية.
وفي وقت المراجعة حق الامتحانات مع المعلمة (( معلمة منهجنا صعب خططيه لنا الكتاب)) من قبل المعلمة ردين: 1. اخطط لكم ليش ونتوا يهال يلا كل وحدة تخطط بروحها 2. مافي تخطيط كل شي معاكم في الامتحان احفظوه
(( معلمة انا تعبانة ممكن اروح عند الممرضة)) لا ما بقى الا شوي ويطق الجرس مافي داعي للروحة حطي راسج على الطاولة.
واخيرا فترة الامتحانات المنتصف المعلمة : درسوا يابنات ابيكم تسوون زين في امتحان الطالبات: (( معلمة ندرس من دفتر ولا من الكتاب)) ومن دون عوار راس المعلمة طنش الطالبات.
أمس في 5:20 pm من طرف nemo nemo
موضوع: حركات البنات فالصــــف 
