شفت وشلون الخيانة قاسية لحد الاهانه::

السلام عليكم ..

أعضائنا الأعزاء اليوم فكرت وقررت بعمل قروب في المسن لأعضاء منتدانه ...

للي يحب ينظم معانه في لقروب يضع رد بأنه موافق بأن ينظم معانا بالقروب وسنقوم بإضافته بأسرع وقت ممكن ..

تحيااااتي ملك الخياااال

ايه [ خنتك ] ..

لأجل أنا أرد اعتباري ..!

صح هنتك ..

و ماني محتاج أداري

و لا ترجى اعتذاري ..!

واسمع اللي لك بقوله

يا تفآهات الطفولة

ماني بذاك الخجول

و باجرحك يآ جارحي ..!

شفت وشلون الخيانة قاسية

لحد " الإهانة " ..!

مير من باب الميانة

قلت مثلك بطعنك

و أنت بحدود البكي

لا تكثّر بالحكي

و لا تظن انك ذكي

و أنت جرحي يسكنك ..!

تهمتك لي [ الخيانة ]

زيد معها ..

سبق إصرار و ترصد..!

يعني النية في قلبي / نية مبية

لأني أصلا و بصراحة ..

خنت عمدا

لأجل أوريك اللي شفته

ولا تظن إني " جبان "

جيت أواجه ..!

و أسمع لهرجي رجاء

خنتني يوم الوفاء فيني كبير

يعني أنت اللي بديت

هنتني يوم العطاء مني كثير

ودون مآ أدري ..

قسيت ..!

و الفعل لا بد له / ردة فعل ..!

و أنا منك انعميت

قلت أسوي مثل فعلك

ثم فعلت ..!ليه بفهم .. انفعلت ..!

آه يا ذا [ المجتمع ]

الصداقة

الخطايا

الخيانة

قابلينه في خطاه ..!

بس إحنا

ما لنا غير الخجل

و التغلي و الوجل

و الله أعطانا قلوب .. تعشق بصدق / وتذوب

و لجل حب اللي نحب

نسعى حتى للدجل ..!

آه ما أغباه قلبي يوم ظنيت الوفاء .. و العاطفة

و أحساس الدفا

ممكن إنها تجتمع بهالزمن في قلب واحد

يآ خايني / مع السلامة ..!

رح مع ذاك الطريق

خنتك لانك تستحق الطعن و كفوف الغدر

منت بكفو واحد وفي يملك الحب العميق

طابت جروحي يوم شفتك

منصدم بي منقهر ..!

ايه [ خنتتك ]