لا تفوتكم قصه واقعيه فالرفاع

السلام عليكم ..

أعضائنا الأعزاء اليوم فكرت وقررت بعمل قروب في المسن لأعضاء منتدانه ...

للي يحب ينظم معانه في لقروب يضع رد بأنه موافق بأن ينظم معانا بالقروب وسنقوم بإضافته بأسرع وقت ممكن ..

تحيااااتي ملك الخياااال

بسم الله الرحمن الرحين
السلام عليكم ورحمه الله وبركاته ..

ببدأ القصه وقروها عدل لانها حقيقيه وصايره في البحرين وبالتحديد الرفاع الغربي وجمب القلعه ..
يقولكم هذا بيت جمب القلعه وبعيد عن البيوت الباقيه
ساكنه فيه الام وبنتها و ولدها والوالد متوفي
البنت كانت مو اوكي يعني تطلع في الليل معا ربعها و عليكم الباقي ....
واخوها كان مايدري عنها بس امها تدري وساكته وتخش على ولدها عشان مايطق البنت عاد يوم من الايام الصبي درا ( اخو البنت ) وقام قال حق امه اذا طلعت مرة ثانيه وتاخرت عن البيت بطقها وبذبحها بعد
قالت الام اوكي بقولها ماتطلع
عاد ويوم من الايام البنت راحت وطلعت معا ربعها بدون مايدرون اهلها ورجعت البيت لقت اخوها ينطرها في الصاله قام قالها وين كنتي ؟
قالت طالعه معا ربعي قام على طول طقها
جات الام وطقت ولدها بالكرسي على راسه بس بالغلط يعني ماكان قصدها تضربه على راسه قام الولد داخ وطاح على الارض
عاد يوم البنت درت ان اخوها يبي يذبحها قامت خذت الكرسي وطقت على راسه ليييييين ماااااااااااات
الام واختها استغربوا ان اهما اللي اذبحوا ولدهم والام خلت الجثه في البيت 3 ايام وقالت حق بنتها الحين شنو بنقول حق الناس ؟؟؟
شلون بنواجهم واكيد بيسألونه مين ذبحه وشلون ومتى ؟؟
شلون بنرد عليهم ؟
قامت الام طلعت خطه انهم يدفنونه ورا بيتهم
قامت البنت قالت لالا انا اخاف
قالت الام لا انا مابي منج شي غير انج تحفرين القبر معاي
قالت البنت اذا جذي اوكي
ويوم من الايام احفروا القبر ودفنوا الولد
بعد مده تقريبا 3 شهووور
راحوا يطالعون القبر ..
قاموا شافوا الدم قاعد يطلع من القبر وكل ساعه يكثر
قامت قالت الام حق بنتها خل انظفه قبل ما احد يجينا ويشوفه
قالت البنت اوكي وقاموا ينظفونه
وصار لهم على هالحاله شهر كامل
عاد بعد الشهر نفس الشي طلع دم من القبر وقاعدين ينظفونه وسمعوا صوت الولد يقولهم من داخل ( مايروح الدم مايروح )
عاد البنت وامها تخرعوا
سكتوا وقاموا ينظفون بهدوووووووووووء
مرة الايام وصار اسبوعين وهم على نفس الحاله الام والبنت ينظفون القبر والولد يقولهم (مايروح الدم مايروح )
عاد يوم من الايام كانوا ينظفون القبر توهم بقومون خلصوا تنظيف قام يطلع الدم بكثررررررررررررررره و وااااااااااااايد يطلع
قامت الام والبنت ينظفونه بسرعه
قام قالهم الولد ( مايروح الدم مايروح )
الام والبنت خافوا وعصبوا بنفس الوقت
قامت قالت الام : عيل شلوون يروح ؟؟
قالها الولد : يروح يتااااااااااايد
>> .............. معا تايد للغسيل ماافيش مستحييييييييييل ............... <<

ههههههههههههههههههههههههه
اللي تخرعت سوري او اللي تخرع
اتمنى تنال اعجابكم القصه